اسرار القمر >>قصة رومانسية *__^

[Bnota Masrya]

هههههههههه
لالالالا ياقمر قولى الى انتى عاوزاة برراحتك
ان شاء الله هنزل جزء جديد
ناو

[Bnota Masrya]

الجـــ العاشر ــــزء

>> خاتم الخطبة <<

اولا احب اقولكم ان احداث القصة اتقدمت سنة من اخر جزء
و دا الفصل الاول مـ الجزء دا
هـ اكمله بكره باذن الله
بس مش حبيت اتاخر عليكم تاني

جلست في حجرة الانتظار و القلق يتملكنى

فـ ليس فقط قلقي بسبب تقديمي لتلك الوظيفة
و لكن ايضا بسبب ما سـ يترتب علي نجاحي في الحصول عليها
فقد عاهدت نفسي بـ ان اشترى خاتمى الخطبة
لي و لـ قمري
فـ الان قد انتهيت دراستي و بـ تفوق كما تمنيت و استطيع ان اتقدمت لـ خطبتها بكل ثقة

مرت حتى الان نحو النصف ساعة و القلق يمزق اعصابي
افقت من افكارى علي صوت تلك الفتاة تناديني

الفتاة : استاذ مازن ؟؟

مازن : ايوه انا

الفتاة : اتفضل دور حضرتك

مازن : شكرا

انتصبت واقفا و يدي تضغط بتوتر ملحوظ علي اوراق سيرتي الشخصية (c v (

جلست في الداخل نحو الساعة
و مدير الشركة يمطرنى بالاسئلة
كنت اشعر بـ انها ليست اسئلة تهم الوظيفة بل اسئلة يتوقف عليها مصير عالمي
و انتهت المقابلة
و بشرني المدير بـ انى سـ اكون باذن الله ضمن موظفي شركته
سعدت بذلك بشدة
فـ اخيرا تحقق حلمى

و خرجت من ذلك المبني
و انا ارفرف من السعادة
و اخذتني قدماى الي محل الصائغ
و انتقيت لـ قمرى اجمل خاتم رايته
فـ هو يشبهها
كان خاتم من الذهب الابيض الممزوج بالذهب الاصفر
رقيق و تتوسطه حجرالياقوت الاحمر اللون بشكل قلب صغير
كانت رقته و لمعانه تماثل رقة و جمال اميرتي
و كنت اعد اللحظات التي تفصلني عن موعد رؤيتها
لـ اقدمه لها

بعدما خرجت من المحل
سمعت رنين هاتفي الخاص
و كان المتصل .... محمود

محمود : السلام عليكم

مازن : و عليكم السلام ... ازيك يا حودة ؟؟

محمود : وقت ازيك دا دلوقتى !!
طمني عملت ايه في المقابلة

مازن : ههههههههه بالراحة عليا يا ابني ... الحمد الله تمام
تقريبا و الله اعلم اتقبلت

محمود : هوووووف الحمد الله ... الف مبروك يا ميزو

مازن : الله يبارك فيك

محمود : ها هتعمل ايه دلوقتى ؟؟

* فكرت انه اخبره بموضوع خاتم الخطبة و لكنى تراجعت *

مازن : و لا حاجة كنت هـ اروح

محمود : ايوه طبعا ما هتصدق تروح عشان تتطمئن سارة

مازن : ههههههههههههه لا ما انت عارف مش بـ اعرف اكلمها الا بـ الليل

محمود : مممممممم طب خلاص تعال قابلني في النادي عاوزك في موضوع كدا

مازن : ماشي يا حودة جايلك في السكة

محمود : اوك مستنيك ... اه كابتن صلاح بيسلم عليك و بيباركلك

مازن : سلملي عليه لحد ما اجيلك .... شكل الموضوع كدا مهم

محمود : ممممممممم يعني .... المهم متتاخرش

مازن : لا مش هاتاخر مسافة السكة و اكون عندك

و بعد عشر دقائق
وصلت
و استقبلني محمود بـ لهفة غريبة
فسرتها بـ فرحته بـ قبولى بالوظيفة
و لكن ...

محمود : مازن اتاخرت ليه ؟؟

مازن : يا ابني هو انا لحقت دا يا دوبك مسافة السكة

كابتن صلاح : معلش يا مازن هو متوتر ، تعال اقعد

مازن : اهلا يا كابتن ... واحشني و الله

كابتن صلاح : و انت و الله يا باشمهندس ... يلا من ساعة م اتخرجت و مبقناش نشوفك زي الاول

مازن : ما انت عارف يا كابتن كنت دايخ في الشركات عشان الشغل

كابتن صلاح : ربنا يوفقك يا مازن ... و الف مبروك ، عقبال العروسة بقي

مازن : الله يبارك فيك ... قريب باذن الله

محمود ( بغضب ) : و الله عال اوى ... هو انا مجمعكم عشان تفكروا في موضوع مازن و لا ايه

مازن : يا ابني اهدي ... انا باقول بردوا انت فيك حاجة

محمود : لا فيا و لا نيلة

و اشاح بوجهه بعيدا

كابتن صلاح : معلش يا مازن ... هو بس متوتر

مازن : من ايه خير ؟؟

كابتن صلاح : اصله اخيرا قرر يتكلم مع نسرين

مازن : يا خبر اخيرا يا ابني ... دا انا قلت انت غيرت رايك

محمود : لا طبعا مقدرش

مازن : بس انت مش خايف من رد فعلها بعد اللي حصل

محمود : لا طبعا خايف ... امال انت جايبكم معايا دلوقتى ليه !!

مازن : فهمت خلاص ... طب يلا شوف تحب نساعدك في ايه

و فيما اخد محمود يذكر ما علينا انه نفعله لنساعده
اخذ عقلي يتذكر ذلك الموقف الذي حدث منذ سنة مضت

كان ذلك بعد فترة من ذلك الموقف الذي حدثث لي مع اية
و جعلنى ادرك مشاعر سارة نحوي
فـ لنعد الي تلك الذكرى الان اذا

كان موعد التمرين المعتاد
و كنت اسير انا و محمود بعد ان انتهينا
و فجأة استوقفتنا تلك الفتاة
اجل كما ظننتم كانت نسرين

نسرين : ممكن اتكلم مع حضرتك شوية ؟؟

محمود : انا !!

نسرين : اها حضرتك

مازن : طب عن اذنكم انا

نسرين : لا من فضلك استني ... مينفعش الناس تشوفني واقفة مع شاب لوحدي

مازن : اوك

محمود (بارتباك ) : خير يا انسة !!

نسرين : معتقدش انه خير ... ممكن اسال حضرتك سوال ؟؟

محمود : اتفضلي

نسرين : حضرتك بتحبني ؟؟

و صدمني السوال كما صدم محمود و ربما اكثر
و عندما التفت لارى محمود وجدت وجهه شاحبا كالورقة البيضاء

نسرين : من فضلك جاوبني

محمود ( بارتباك واضح ) : اها دي حقيقة ... بس حضرتك عرفتي منين

نسرين ( بغضب و لكن بصوت هادئ ) : ما هو لو حضرتك بتقدر تمسك لسانك و انت بتكلم صاحبك .. مكنتش سيرتي دلوقتى بقت علي لسان كل من هب و دب ... و لو بتحبني فعلا زي ما بتقول كنت تحافظ عليا و مش تعرضني لاي شئ من دا كله

محمود : بس انا عمرى ما قلت حاجة تمسك ... و لا رضيت حتى انى اعترفلك عشان كدا

نسرين : بس كنت بتكلم صاحبك في الموضوع و في النادي و بتهزروا فيه كمان

محمود : انا اسف مكنتش اقصد

نسرين : اسفك مقبول .. بس اتمني الموضوع مش يتكرر و اذا كنت فعلا بتحبني زي ما بتقول اتمني يكون كلامنا المرة الجاية في بيت والدي و قدامه

افقت اخيرا من تلك الذكرى
مع انتهاء حديث محمود

محمود : ها عرفتوا هتعملوا ايه ؟؟

مازن : طب مش الاحسن يا حودة انك تروح تتقدملها علي طول بدل ما تحرجك تاني

محمود : امال انا باقول ايه م الصبح يا ابني .. انا عاوز اعرف عنوانها من حد من اصحابها او من ادارة النادى

مازن : اها فهمت ... خلاص هاشوفلك انا اصحابها

كابتن صلاح : و انا هاحاول اجيبهولك م الادارة

محمود : تمام كدا ... مش تتاخروا عليا بقي

مازن : ايوه نتعب احنا و انت تقعد حاطط رجل ع رجل

محمود : تعال علي نفسك بكره نخدمك في فرحك

مازن : هههههههههههه ماشي يا اخويا ... ادعيلي بقي

محمود : ربنا يوفقك

و انطلقنا الي مهمتنا ...

××

انتظرونى مع الفصل الثاني ...

[بنوتة رومانسية]

فصل جميلة اوووووووووووووي
منتاظرة الفصل التاني

[joejonas love]

احم احم احم
يعنى اقول اللى انا عايزاه يا قمررر
اولا طبعا شكرا ع الفصل الجميييل ده و منتظرين بقيته
احم احم احم
على نااااااااااااااااااااااااااااار .... هىهىهىهىهىهىهى :d

[Bnota Masrya]

اقتباس المشاركة الأصلية كتبت بواسطة بنوتة رومانسية فصل جميلة اوووووووووووووي منتاظرة الفصل التاني

منورانى ياقمر
ان شاء الله هنزل حالا الفصل الجديد

[Bnota Masrya]

اقتباس المشاركة الأصلية كتبت بواسطة joejonas love احم احم احم يعنى اقول اللى انا عايزاه يا قمررر اولا طبعا شكرا ع الفصل الجميييل ده و منتظرين بقيته احم احم احم على نااااااااااااااااااااااااااااار .... هىهىهىهىهىهىهى :d

هههههههههه
لالالا هنزل على طول
مقدرشى انا اخليكى على نار:msn (56):

[Bnota Masrya]

الجزء الحـ عشر ـادي



>> أحب من ؟! <<



استيقظت من نومي القلق و انا مجهد

اتعبنى التفكير في الليلة الماضية و لم يغمض لي جفن

فكرت بحديث سارة مرات و مرات

احيانا اجد ما حدث كريها لدرجة تنفرنى و احيانا اجد ان صراحتها رائعة و كذلك ثقتها فيّ ..

و لكنى حتى الان لم اعلم ماذا عليّ ان افعل

هل اسامحها ام اتركها ؟؟

كلا الامرين صعب عليّ

دخلت الحمام و ادرت المياة الباردة علّه يغسل افكارى و يساعدني في قرارى

و لكنه اراح فقط عضلاتى المتعبة من التقلب طوال الليل و ظل ذهني مشتتا بالافكار

خرجت من غرفتى لاجد آية عندنا و تتنقل خلف أمى في المنزل

و هو حقا لم يكن الوقت المناسب لاراها فعقلي يكفيه ما فيه حتى تاتى تلك الثرثارة و تزيد من متاعبه

فـ قررت ان انزل بدون افطار ...

ما كدت اصل لأول درجة من درجات السلم حتى وجدتها متعلقة بذراعي و بدات تتحدث بلا توقف

تجاهلتها و اكملت طريقي و لم اهتم حتى بأن ازيح يدها عن ذراعي

حتى ان لم استمع لما تقول و عندما سألتنى (( بجد يا مازن ؟؟ )) لم أعلم عما تتحدث و لكني اجبتها بفتور (( اكيد يا قمر )) و ابتسمت لها بسخرية

و حينما رفعت راسي رأيتها أمامى كأول مرة رأيتها ملاكـ بعيون حزينة دامعة ...

رأيت تلك المدعوة آية متعلقة بذراع مازن بتملك و عينيها في تواصل حالم مع عينيه و هو يبتسم لها !!

و كانت تلك الصورة هي رد علي حديثي مع مازن بالأمس

الآن فقط عرفت رد فعله ..

أحقا لم يهتم مازن بي قط !! أحقا كان حديثي له هو الخاتمة لما بيننا !! أهذه هي الفتاة اللي سبق و قال عنها أنها لا تهمه !!

لم أتحمل ما رأيت و ركضت إلى غرفتي بسرعة و اصطدمت به أثناء صعودي و لكن لم التفت حتى لارأه

فقد جرحنى مازن بلا مبالاته كما سبق أنى جرحني "علي" بخداعه ، لم أشعر بنفسي الا علي فراشي حين وجدت وسادتي غارقة بالدموع ، غسلت وجهي و عدت الى مكانى و قد هدات بعض الشئ رغم دموعي المعلقة و علي وشك الانهمار من جديد حاولت ان افكر ماذا افعل

لم اجد امامى الا الرحيل !!

* بس دا اسمه هروب يا سارة *

هروب هروب مبقاش يهمني و انا هاقعد هنا لمين !!

* و دراستك يا سارة ؟؟ مازن مش هو كل حياتك *

انتى بتتحججي عشان تشوفيه .. انتى اكتر واحدة عارفة ان دراستك ممكن تكمليها من هناك عادي

* يعني خلاص يا سارة مبقتيش عاوزه ! *

هو اللي مبقاش عاوزنى مش انا اللي مش عاوزه ، انا غلطت انى حكيتله

أحقا اخطات حين اخبرته ؟؟ و لكن كل ما اردته ان اكون صريحة معه .. ان نكون شخص واحد .. ان ابدأ حياتي معه بصدق و اخلاص .. ان تكون علاقتنا خالية من الاسرار

قد يكون الامر صعب بعض الشئ بل صعب جداً و لكن كان سيأتى اليوم الذي يعرفه فيه !! فكيف كان سيقابل الامر حينها !! هل كان سيتركني مثلما فعل الان ؟!

حسنا إذا كان هذا هو رد فعله الآن فـ،ـ سيكون رد فعله في المستقبل و هكذا اكون حميت نفسي من الم الفراق ، و لكن ما ذنبي في كل هذا !! كل انسان في هذه الدنيا اخطأ في يوم فهل خطأ فعلته في فترة مراهقتي .. فترة كان عقلي الصغير لا يستوعب ظلم الذئاب من البشر .. فترة زلت فيها قدمي و لكنى استطعت ان انجو بنفسي قبل حدوث اى شئ ، فهل هذا العار سيلحقني الي نهاية حياتي !! هل سيكون كالوشم يميزني عن بقية الناس و يضعني في خانة الاتهام و يمنع عني حريتي و سعادتي ؟!

"سارة ستصل غدا !! "

قلت و تملكنى الدهشة التي سرعان ما اختفت بين امواج سعادتي

و لكنى أحقا يعطيني ذلك امل جديد .. حسنا لن اعرف الان ...

××

رنت الزغاريد حاملة امواج الفرح لتنشرها وسط الجيران

كانت السعادة مرسومة علي وجه الشابين و كلاهما ينظران بخجل في عيون احداهما الاخر

كان حلماً قد تحقق .. و املا بالمستقبل يتكون

تألق وجه الجميع بالابتسامات الحقيقة و كأنهم كانوا جميعا ينتظرون هذا اليوم

و رغم ألمى الدفين شعرت معهم بفرحة نابعة من القلب و ليست زائفة

كانت فرحتى بـ محمود يومها لا توصف

فقد حقق اخيرا حلمه و خطب نسرين و يبدو من نظرات الحب المتطايرة من اعينهما تدل بوضوح شديد ان كلا منهما كان يحب الاخر بدون علمه

و كم تمنيت وقتها ان اكون انا و سارة مكانهما ... آلمنى التفكير فيها

ليس بسبب مشكلتى معاها و مع الحديث البارحة .. لكن بسبب تلك الدموع التي رأيتها في عينيها صباحا

لقد شعرت بها تمزقنى من الداخل .. كـيف اقسو عليها و هي جزء مني .. و هي قلبي

كيف و قد وعدت نفسي ان افعل ما استطيع حتى ابعد الحزن عنها .. حتى لا اراه في عينيها مجددا

كيف اكون انا مسببه .. الف كيف و كيف !! تتكرر في ذهني

لم اشعر بنفسي الا و احدي دمعاتى شاركت محبوبتي في حزنها و تسللت خلسة من عيني

سارعت اداريها لكن ليس قبل ان يراها هو ...

[بنوتة رومانسية]

ميرسي ليكي يا قمر
تسلم ايدك
فصل جميل
منتظرة فصول جديدة